Malihini kuʻu ʻike ʻana
Kahi wailele ʻo ʻAkaka
Kau maila i luna
Lele hunehune maila i nā pali
Lele hunehune maila i nā pali
Kau nui aku kahi manaʻo
A e ʻike lihi aku i ka nani
I uka i puīa
I ke ʻala me ke onaona
I ke ʻala me ke onaona
Onaona wale hoʻi i uka
I ka paʻa mau ʻia e ka noe
I uka kūpaoa
E moani nei i kuʻu poli
E moani nei i kuʻu poli
Na ke akua mana loa
E kiaʻi maluhia mai
I kēia mau pua
O kuʻu ʻāina aloha
O kuʻu ʻāina aloha
I neʻe oe kū au e ʻako
I ka pua o ka ʻawapuhi
I laila nō ka malihini
Naʻu ia a e honihoni
Naʻu ia a e honihoni
Haʻina ʻia mai ka puana
I kahi wailele ʻo ʻAkaka
Kau maila i luna
Lele hunehune maila i nā pali
Lele hunehune maila i nā pali